गर्ज

मेघनाथ बहादुर थापा

वाहनका पाङ्ग्रामा किच्चिएर

मुसा छुचुन्द्रा खस्रे भ्यागुता

बड़े बड़े हात्तीको किचाइमा

धूलोपिठो नारायण पाउ-खुट्टा ।

बाँच्ने मौका सत्य पथमा

कहाँ छ र यो संसारमा ?

करोडौं-करोडौं मक्किरहेछ जसको

ठ्याम्मै छैन डर, न कुरीकुरी लाजको ।

लोभको वशले विवेक बिर्सन्छन्

खाड़लमा खुट्टा मान्छे हाल्छन् ।

यति हरिलट्ठक कसलाई ठान्छौं यार ?

खोज्न जाँदा सिङ्गो गाउँ नै उजाड!

घूसको बलले नोकरी पाए

नीतिको कुरा कसले सोँच्ने ?

प्रतिभाशालीहरू कथङ्कल बिच्किए

देशको ध्वंश कसले रोक्ने ?

बाँच्नु हो भने लौ गर्ज

खानेहरूलाई मरिञ्जेल ढुट्याऊ ।

तिमी र म सचेत भए पक्कै

रक्षा हुनेछ समाजको अनि मात्रै ।

लेखकको बारेमा