ओठमा मुस्कान भर्न जानिसकें

लक्ष्मी रायमाझी खड्का

अभिनयमा सही मैले ओठमा मुस्कान भर्न जानिसकें ।

दृढ सङ्कल्पको चितामा पिडा जलाउनुपर्छ ठानिसकें।।

कसैले नसोच्नू बहुमूल्य जीवनको मूल्य हात लागी सून्ना।

अनमोल ठानेर सम्भाव्य सम्भावना अंकुसेले तानिसकें ।।

थाहा छ न अस्थिरतामा,जीवनको सार्थकता स्थिरतामा छ।

कर्म बिन्दु गन्तव्य हो कर्तव्यको लगन गाठोमा बानिसकें।।

म भन्छु न दोष छ भाग्यमा न बलवान समय कमजोर हुन्छ।

समयसँगको लेखाजोखा सर्वोपरि श्रेष्ठ कर्म भनि मानिसके।।

लेखकको बारेमा