अटिजम भएका बालबालिका विशेषगरी सामाजिक रूपमा घुलमिल हुन सक्दैनन् । खासगरी सञ्चारमा हुने समस्याका कारण धेरैजसोमा यस्तो समस्या देखिन्छ । यस्ता बालबालिका दोहोरो कुरा गर्न नसक्ने, एउटै कुरा बारम्बार दोहोर्याउने, आफ्नो कुरा भन्न नसक्ने खालका हुन्छन् । जसका कारण आँखा जुधाउन नसक्ने, एउटै खेलौनासँग मात्र खेल्ने र काममा ध्यान दिन नसक्ने वा सिकाइमा समस्या हुने गरेको पाइन्छ ।
सामान्यतया अटिजम भएका बालबालिकामा विभिन्न व्यावहारिक समस्या देखिन्छन् । तर, यसलाई कम अटिजम र बढी सक्रिय हुने र गम्भीर खालका समस्या भएका गरी तीन किसिममा विभाजन गरिएको छ ।
अटिजमको प्रभाव कम र एउटै कुरामा बढी ध्यान दिन सक्ने प्रकृतिका व्यक्ति सफल भएका प्रशस्त उदाहरण छन् । कम बोल्ने, सामाजिक रूपमा घुलमिल हुन नसक्ने भए पनि कुनै एउटै विषयमा घोत्लिने व्यवहारले अध्ययन अनुसन्धानमा प्रगति गरेको पाइन्छ । विश्वका धनाढ्य, वैज्ञानिकहरूमा समेत यस्तै खालको अटिजम भएको उदाहरण देख्न सकिन्छ ।
गम्भीर खालको अटिजम भएकामा २४सै घण्टा अर्काको सहारा आवश्यक हुन्छ । यस्ता बालबालिकालाई समयमै अटिजम पत्ता लगाएर बानी व्यवहारमा सुधार ल्याउनुपर्ने हुन्छ । जसका लागि सानै उमेरदेखि विशेष रूपमा पढ्न, लेख्न वा बोल्न र साथै विभिन्न सीप विकाससँगै व्यवहारमा परिवर्तन ल्याउन सकिन्छ ।
अटिजम उपचारका माध्यमबाट निको पार्न सकिँदैन, किनकि यो रोग नभएर समयक्रमसँगै मानसिक वृद्धि विकासमा आएको अवरोध हो । यस्ता व्यक्तिमा आधारभूत सीप सिकाएर व्यवहार सामान्य बनाउँदै लान सकिन्छ । यसबाहेक अन्य स्वास्थ्य जटिलता पनि देखिन सक्ने जोखिम हुने भएकाले विभिन्न थेरापी आवश्यक हुन्छन् ।
आजको नयाँ पत्रिका दैनिकमा प्रकाशित छ ।
युनिकोड
मिति रूपान्तरण
_lvFlpr7y3Z.png)
प्रदेश खबर
_id4kqns3rv_jukjlrP0uO.jpg)
प्रतिक्रिया