अपराधको पराकाष्ठा : उदयपुरमा श्रीमतीको हत्या गरी टाउको बोकेर हिँडेपछि...

मंगलबार, २२ असोज २०८१
उदयपुर : उदपुरमा आफ्नै श्रीमतीको हत्या गरी टाउको बोकेर हिँड्दै गरेको अवस्थामा प्रहरीले श्रीमानलाई पक्राउ गरेको छ । आज (मंगलबार) साँझ ६ः२० बजेतिर उदयपुरको त्रियुगा नगरपालिका ६ जलजलेकी २८ वर्षीया प्रमिला लामाको टाउको काटेर बोकेर हिँड्दै गरेको अवस्थामा श्रीमान ३६ वर्षीय जंगबहादुर घिसिङ तामाङलाई प्रहरीले पक्राउ गरेको हो । कोशी प्रदेश प्रहरी कार्यालय विराटनगरका अनुसार घरायशी विवादमा जंगबहादुरले श्रीमतीलाई धारिलो हतियार खुकुरी प्रहार गरी घाँटी काटेर हत्या गरेका थिए । हत्यापछि टाउको लिएर बाटोमा हिँड्दै गरेको अवस्थामा इलाका प्रहरी कार्यालय जलजलेको टोलीले पक्राउ गरेको जिल्ला प्रहरी कार्यालयका प्रमुख एसपी हरिहरनाथ योगीले जानकारी दिए । ताप्ली गाउँपालिका ४ थानागाउँ स्थायी घर भई उनीहरू त्रियुगा नगरपालिका ६ जलजलेस्थित वडा कार्यालय नजिकै शम्शेर तामाङको घरमा कोठा भाडामा चिया पसल गरी बस्दै आएका थिए। तामाङलाई प्रहरी हिरासतमा राखेर थप अनुसन्धान सुरु गरिएको प्रहरीको भनाइ छ ।

प्रतिक्रिया

प्रदेश खबर
लेखकको बारेमा
प्रदेश खबर

सम्बन्धित समाचार