प्रधानमन्त्री देउवा पछि सिके राउतको प्रचण्डसँग भेटवार्ता

नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र जनमत पार्टीका अध्यक्ष तथा नव निर्वाचित सांसद डा‍। सिके राउत बिच भेटवार्ता भएको छ । आज नै राउतले प्रधानमन्त्री शेरबहादुर देउवा तथा गृहमन्त्री बालकृष्ण खाँणसँग भेटवार्ता गरेका थिए । सत्तारुढ गठबन्धनले राउतलाई नयाँ सत्ता समीकरणमा समावेश गर्ने प्रयास गरिरहेको छ । राउतले गठबन्धनलाई सहयोग गर्न आफू सकारात्मक रहेको तर त्यसअघि आफूहरूको माग मुद्दामा गठबन्धन तथा सरकारको धारणा आउनु पर्ने बताएका छन्। राउतले आजै प्रधानमन्त्री शेरबहादुर देउवासँग पनि भेटवार्ता गरेका थिए । कांग्रेस नेता विमलेन्द्र निधि बिहीबार साँझ राउतलाई लिएर प्रधानमन्त्रीको सरकारी निवास बालुवाटारमका पुगेका थिए। प्रधानमन्त्री देउवासँग राउतको सकारात्मक र परिणाममुखी वार्ता भएको निधिले ट्विटरमा उल्लेख गरेका छन्। ‘गठबन्धन र कांग्रेससँग संघीय र प्रदेश दुबै तहमा सहकार्य गर्ने र सरकारमा सामेल हुने सहमति भएको छ’ निधिले लेखेका छन्। यसअघि हिजो जनमत पार्टीका अध्यक्ष राउतले निधिसँग भेटेर सरकारमा सहभागी हुनेलगायतका बिषयमा कुराकानी गरेका थिए।