काठमाण्डौँ : चीनको तिब्बत प्रान्तको दिङ्गे काउन्टीमा केन्द्रबिन्दु भएर ७ रेक्टर स्केलको भूकम्पले कोसी प्रदेशका केही घरहरूमा क्षति पुर्याएको छ ।
आज बिहान आएको भूकम्पका कारण ओखलढुङ्गा, सोलुखुम्बु, सङ्खुवासभा र ताप्लेजुङका ५ घरमा क्षति पुगेको हो ।भूकम्पका कारण चार वटा घरमा आंशिक क्षति र एउटा घर पूर्ण रूपमा भत्किएको छ।
ओखलढुङ्गा चिसंखुगढी गाउँपालिका ५ सिरिसेका इन्द्रबहादुर परियारको घर पूर्ण क्षति भएको छ भने चुहानछापका हिमाल कार्कीको घरमा आंशिक क्षति भएको कोशी प्रदेश प्रहरी कार्यालयले जनाएको छ ।
सङ्खुवासभाको भोट खोला गाउँपालिका १ किमाथांकाका तेन्छेदी शेर्पाको घरमा सामान्य क्षति भएको छ।
यस्तै ताप्लेजुङको इलाका प्रहरी कार्यालय दोभानको कार्यालय प्रमुख निवास, कार्यालय र मेस भवनमा क्षति पुगेको छ। भने सोलुखुम्बुको थुलुङ दुधकोसी गाउँपालिका ७ लुरुवाका हर्कबहादुर खत्री र खुम्बु पासाङल्हामु गाउँपालिका ५ हेलाजुङका आङ ङिमा शेर्पाको घरमा सामान्य क्षति भएको छ ।
क्षतिको अन्य विवरण सङ्कलनको क्रममा रहेको प्रहरीको भनाइ छ ।
युनिकोड
मिति रूपान्तरण
प्रदेश खबर
प्रतिक्रिया