माधव नेपालले रौतहटमा विकास नै गरेका रहेनछन्: एमाले सचिव विष्ट

रौतहट । नेपाल कम्युनिष्ट पार्टी नेपालका केन्द्रीय सचिव गोकर्ण विष्टले साढे २सय ५० वर्ष शासन गरेका शाह वंशीय पूर्व राजालाई फर्काउन असम्भव रहेको बताएका छन्।

नेकपा एमाले रौतहट गौरको नवौँ नगर अधिवेशन उद्घाटन गर्दै उनले राज्य संस्थालाई नेपाली जनताको शान्तिपूर्ण आन्दोलनबाट समाप्त पारेको राजालाई चिहानबाट फर्काउन सम्भव नरहेको बताएका हुन्। लोकतान्त्रिक अभ्यास सबै भन्दा रामे व्यवस्था रहेकोले निरङ्कुश शासन जनताले अव स्वीकार नगर्ने बताए । 

चैत्र १५ गतेका दिन राजा फर्काउने नाममा हिंसात्मक गतिविधि गरेर झन् जनता टाढिएको उनले स्पष्ट रूपमा पारेका थिए। बहुदल अगाडी जनताले भोगेका पिडा ,अशान्ति, अधुरो विकास रहेको केन्द्रीय सचिव विष्टले स्मरण गराएका थिए। लाखौँ युवाहरूलाई स्वदेशमा फर्काउन, उपचारलाई बलियो बनाउन ,शान्ति सुरक्षाको अनुभूति गराउन ,जनताको जीवनलाई माथि उकास्न  नेकपा एमाले पार्टी लागी परेको बताए । 

रौतहट–१ बाट ३ पटक निर्वाचित माधव कुमार नेपालले जिल्लाका जनतालाई झुक्क्याएको बताउँदै नेपालले धेरै काम गरेको होला, विकास गरेको होला भन्ने लाग्थ्यो तर आज रौतहट आउँदा नेपालले जनताको लागी केही काम नगरेको अनुभूति पाएको केन्द्रीय सचिव विष्टले बताए ।

लामो समयसम्म प्रधानमन्त्री समेत रहेका माधव नेपालले रौतहटवासीसँग गद्दारी गरेको उनको भनाई छ। आउँदा दिनमा नेपाललाई जमानत जफत गरी पठाउन जनतासँग अपिल उनले  गरेका थिए। 

सोही अवसरमा नेकपा एमालेका जिल्ला इन्चार्ज तथा केन्द्रीय सदस्य अजय कुमार गुप्ताले गौर नगर पालिकाका मेयर शम्भु साहले माटोमा कर लगाएर जनताको भावनासँग खेलबाड गरी रहेको बताए । आफनै खेतबाट माटो ट्र्याक्टरमा लोड गरी ल्याउँदा पनि प्रति टेलर रु ७५ लिने गरेको उनले बताए । आफू मेयर हुँदा धेरै करहरूलाई छुट दिए पनि आफू नहुँदा वर्तमान मेयरले माटोमा कर असुली गरी जनतालाई दुःख दिई रहेको बताए।

सिसवा चोकमा गेट बनाउन लाग्दा सडक विभागबाट अनुमति नलिएको कारण सडक डिभिजन कार्यालय चन्द्रनिगाहपुरले गेट बनाउन रोक लगाए पनि गौर नगर पालिकाका मेयर शम्भु साहले एक कार्यक्रममा मलाई दोष लगाएको बताए । रौतहट एकका सांसद माधव कुमार नेपालले पनि जनतालाई ठगेको उनले आरोप लगाएका छन्।

नगर संयोजक भैरव पटेलको अध्यक्षतामा नेकपा एमालेका केन्द्रीय सदस्य रेखा झा, उद्धव रेग्मी, कुन्दन कुशवाहा, जिल्ला अध्यक्ष सचिदानन्द साह, नगर इन्चार्ज श्याम सुन्दर पटेल, जयचन्द्र पटेल  लगायतका वक्ताहरूले सबल नेतृत्वको शुभकामना दिएका थिए ।