समावेशी विकास नै दिगो विकास हो भन्नेमा सरकार दृढ छ : प्रधानमन्त्री कार्की

काठमाडौं : माघे सङ्क्रान्ति जस्ता मौलिक चाडपर्वहरु देशको सभ्यता,संस्कृति र पहिचानका अमूल्य सम्पदा रहेको प्रधानमन्त्री सुशीला कार्कीले बताएकी छिन् ।

बिहीबार काठमाडौंको टुँडिखेलमा मगर संघले आयोजना गरेको कार्यक्रममा बोल्दै प्रधानमन्त्री कार्कीले बिविधता र बहुल्यताबीचको एकताले नै हाम्रो नेपाल राष्ट्रलाई समृद्ध शसक्त बनाएकी हुन् ।

प्रधानमन्त्रीले भनिन्,‘माघे सङ्क्रान्ति जस्ता मौलिक चाडपर्वहरु हाम्रो सभ्यता संस्कृति र पहिचानमा अमूल्य सम्पदा हुन् । बिविधता र बहुलताबीचको एकताले नै नेपाल राष्ट्रलाई समृद्ध वा शसक्त बनाएको छ । हाम्रो मौलिक संस्कृति र चाडपर्व र पहिचानमा हामी सबैले गर्भ गर्नुपर्छ । प्रवद्र्धन र संवद्र्धन गर्न आवश्यक छ ।’

त्यस्तै प्रधानमन्त्री कार्कीले समावेशी विकास नै दिगो विकास हो भन्ने मान्यतामा सरकार दृढ रहेको बताइन् । वर्तमान मुलुकको विशिष्ट परिस्थितिमा सबैबीच अझ बढी एकता सहकार्य र आपसी विश्वासको खाँचो रहेको उनको भनाई रहेको थियो । 

‘वर्तमान मुलुकको विशिष्ट परिस्थितिमा हामीबीच अझ बढी एकता सहकार्य र आपसी विश्वासको खाँचो छ । समावेशी विकास नै दिगो विकास हो भन्ने मान्यतामा सरकार दृढ छ’ प्रधानमन्त्रीले भनिन् ।