पत्रकार महासङ्घ झापामा पुनः एकराज गिरि

झापा : नेपाल पत्रकार महासङ्घ झापा शाखाको अध्यक्षमा एकराज गिरी पुनः निर्वाचित भएका छन् । अन्तिम मत परिणामअनुसार गिरि एक सय ३१ मतका साथ विजयी भएका छन । नेपाल प्रेस युनियन झापा जिल्ला शाखाले सर्वसम्मत रूपमा गिरीलाई अध्यक्षमा लैजाने निर्णय गरेको गरेको भए गरेको भएपनि जिल्लाको निर्णय लत्यादै युनियनको केन्द्रले भने राजेन्द्र गौतमलाई अध्यक्ष बनाउन ह्विप जारी गरेको थियो । अध्यक्षका प्रत्याशी डिकेश लामाले ३४, राजेन्द्र गौतमले ३४ र टिकाराम नेतीले चार मत मात्र प्राप्त गरेका छन्। यस्तै, उपाध्यक्षमा सुब्रत न्यौपाने एक सय २२ मतका साथ निर्वाचन हुँदा प्रतिस्पर्धी गणेशमान मुखियाले ८१ मत पाएका छन् । सचिवमा प्रदीप परियार र राजु पाठकले समान ९९ मत ल्याएर निर्वाचित भए। यस्तै, खुला सहसचिवमा रमेश तिवारी र दलित सदस्यमा मनकुमार गदाल सर्वसम्मत निर्वाचित भइसकेका छन् । महासङ्घको समावेशी सहसचिवमा तिलक योञ्जन एक सय ११ मतका साथ निर्वाचित भए भने उनका प्रतिस्पर्धी चिरञ्जीवी घिमिरेले ८३ मत प्राप्त गरे । कोषाध्यक्षमा मुक्ति पौडेल ९९ मतसहित निर्वाचित हुँदा प्रतिस्पर्धी पुष्पलाल खड्काले ५४ र शम्भु जित दाहालले ४६ मत प्राप्त गरे । महासङ्घको २० सदस्यीय कार्यसमितिको महिला सदस्यमा भूमिका सुब्बा एक सय १२, सन्तोष शर्मा एक सय, आदिवासी जनजाति सदस्य इन्द्रकुमार राई एक सय १०, खुला सदस्यमा अस्मिता साँखी एक सय ४८, इसा प्रधान एक सय ३५, स्वस्तिका आचार्य एक सय ३३, विनोद पाण्डे एक सय ३३, सुदीप अधिकारी एक सय २६, द्रोण अधिकारी एक सय २८, दिपेश राजवंशी एक सय १७, देवेन्द्र प्रसाईँ ९५ र भूमिराज पराजुली ९४ मतका साथ निर्वाचित भएका छन् । पत्रकार महासङ्घ झापा शाखामा दुई सय २० सदस्य रहेकामा दुई सय पाँच जनाले मतदान गरेका थिए । २० सदस्यीय कार्यसमितिको १८ पदका लागि ३६ जनाले उम्मेदवारी दिएका थिए ।