अधिकारी वंश प्रतिष्ठानको जिल्ला अध्यक्षमा वीरेन्द्र चयन

इटहरी :  कश्यप गोत्रिय अधिकारी वंश प्रतिष्ठान सुनसरीको सातौँ जिल्ला अधिवेशनबाट वीरेन्द्र अधिकारीको अध्यक्षतामा नयाँ कार्यसमिति बिस्तार भएको छ । इटहरी स्थित तालतलैयामा भएको अधिवेशनबाट अधिकारी सर्वसम्मत रूपमा अध्यक्षमा चयन भएका हुन । कार्यसमितिको वरिष्ठ उपाध्यक्षमा रबिन अधिकारी,उपाध्यक्षमा रमेश अधिकारी तथा सचिवमा विवेक अधिकारी चयन भएका छन् । यसैगरी कार्यसमिति सहसचिवमा सुष्मा अधिकारी तथा कोषाध्यक्षमा लक्ष्मी अधिकारी चयन भएको निर्वाचन अधिकृत प्रदीप अधिकारीले बताए । यस्तै जिल्ला कार्यसमितिका अन्य सदस्यहरूमा आनन्द अधिकारी,राम अधिकारी,फणीन्द्र अधिकारी,बिना अधिकारी,उद्धव अधिकारी लगायत चयन भएका छन् । अधिवेशनको उद्घाटन केन्द्रीय अध्यक्ष नरेन्द्रकुमार अधिकारीले गरेका थिए । उद्घाटन सत्रमा प्रतिष्ठानका केन्द्रीय सल्लाहकार प्रदीप अधिकारी,केन्द्रीय उपाध्यक्ष शान्तिबहादुर अधिकारी,मनमोहन पोलिटेक्निक इन्स्टिच्युट मोरङका प्रमुख सुदिप अधिकारी, प्रतिष्ठाका मोरङ जिल्ला अध्यक्ष गुरुप्रसाद अधिकारी,प्रतिष्ठानका केन्द्रीय महासचिव चिरञ्जीवी अधिकारी,धरान नगरका अध्यक्ष डा. कृष्णगोपाल अधिकारी,विराटनगरका अध्यक्ष गणेश अधिकारी लगायतले शुभकामना मन्तव्य राखेका थिए । कार्यक्रममा प्रतिष्ठानको आजीवन सदस्य तथा विभिन्न विधामा योगदान दिने ब्यक्तित्वहरुलाई सम्मानपत्रद्धारा सम्मान गरिएको कार्यक्रमका सभापति एवं निवर्तमान अध्यक्ष लीलाराज अधिकारीले बताए । यस्तै एसइई तथा प्लस २ मा उत्कृष्ट अङ्क ल्याउने छात्र छात्रालाई समेत सम्मान गरिएको थियो । विश्वभरका अधिकारी एक हौ भन्ने नाराका स्थापना भएको प्रतिष्ठानको अधिवेशनमा जिल्लाभरका पाँच सय भन्दा बढी अधिकारीहरूको सहभागिता रहेको जनाइएको छ ।