काठमाडौँ । नेपाली काँग्रेसका सभापति शेर बहादुर देउवाले आर्थिक वर्ष २०८२/८३ को बजेटले आर्थिक क्षेत्रलाई थप चलायमान बनाउने विश्वास व्यक्त गरेका छन् ।
सोमबार कांग्रेस पार्टी उद्योग तथा व्यापार विभागले आसन्न बजेटको सन्दर्भमा गरेको बजेट अन्तरक्रिया कार्यक्रममा बोल्दै उनले यस वर्षको बजेटमा डिजिटल अर्थतन्त्रलाई प्रोत्साहन गर्ने गरी नीति तथा कार्यक्रमहरू तयार हुने र निजी क्षेत्रले उठाएको सवाललाई सम्बोधन गर्ने विश्वास व्यक्त गरे ।
उनले भने, 'मलाई विश्वास छ यस वर्षको बजेटमा डिजिटल अर्थतन्त्रलाई प्रोत्साहन गर्ने गरी नीति तथा कार्यक्रमहरू तयार हुने छन् । मलाई विश्वास छ आर्थिक वर्ष २०८२/८३ को बजेटले निजी क्षेत्रले उठाएको सवालाई सम्बोधन गर्ने छ । आर्थिक क्षेत्रलाई थप चलायमान गराउने छ भन्ने विश्वास व्यक्त गर्दछु ।'
त्यस्तै उनले देशलाई आर्थिक समृद्धसहित अगाडि बढाउनका लागि सरकारसँगै निजी क्षेत्रको भूमिका पनि उत्तिकै महत्त्वपूर्ण हुने धारणा राखे ।
स्थानीय उत्पादनलाई प्रोत्साहन, मौलिक सीपहरूको प्रवर्द्धन र उद्यमशीलतालाई वृद्ध गरेर मुलुकमा रोजगारी बढाउन आवश्यक रहेको उनको भनाइ छ ।
उनले भने 'देशलाई आर्थिक समृद्धसहित अगाडि बढाउनका लागि सरकारसँगै निजी क्षेत्रको भूमिका पनि उत्तिकै महत्त्वपूर्ण हुन्छ । यस कार्यक्रममार्फत निजी क्षेत्रलाई निर्धक्क भएर लगानी गर्नका लागि अनुरोध गर्दछु ।स्थानीय उत्पादनलाई प्रोत्साहन गरी, मौलिक सीपहरूको प्रवर्द्धन उद्यमशीलतालाई वृद्ध गरेर मुलुकमा रोजगारी बढाउन आवश्यक छ ।'
प्रदेश खबर
-(1)_sjXZms9h90.jpg)
प्रतिक्रिया