काठमाडौँ : नेपाल प्रहरीका ११ जना वरिष्ठ प्रहरी उपरीक्षक (एसएसपी)हरुलाई अतिरिक्त महानिरीक्षक (डीआईजी) पदमा बढुवा सिफारिस गरिएको छ।
गृह मन्त्रालयमा मंगलबार बसेको बढुवा समितिको बैठकले एसएसपी सुदर्शन प्रसाद कोइरालासहित ११ जनाको बढुवा सिफारिस गरेको हो।
बढुवा सिफारिसमा परेका अन्य एसएसपीहरुमा विनोद घिमिरे, दीपेन्द्र घर्ती क्षेत्री (जीसी), दीपक रेग्मी, माधव प्रसाद श्रेष्ठ, दिलीप सिंह देउवा, दीपक कुमार बस्नेत, ओम बहादुर राना, जयराज सापकोटा, सञ्जीव शर्मा दास र सुरेन्द्र बहादुर गुरुङ छन्।
बढुवा समितिका सदस्यसचिव दान बहादुर कार्कीका अनुसार उक्त सिफारिस प्रहरी नियमावलीअनुसार गरिएको हो। गृह मन्त्रालयले मंगलबार नै सूचना प्रकाशित गरी सम्बन्धित पक्षलाई जानकारी गराएको छ।
युनिकोड
मिति रूपान्तरण
प्रदेश खबर
प्रतिक्रिया