सीपमूलक जीवनोपयोगी शिक्षा दिँदै बेबिलोन सगरमाथा कलेज

इटहरी । पूर्वी नेपालको व्यस्त सहरका रुपमा विकसित भएको सुनसरीको इटहरी शैक्षिक दृष्टिले पनि अग्रपंक्तिमा आउन थालेको छ । यहाँ रहेका शैक्षिक संस्थाहरुमा इटहरी तथा आसपासका क्षेत्रबाट मात्र होइन पुर्वी पहाडी जिल्लाहरुबाट समेत विद्यार्थीहरु अध्ययनका लागि आउने गरेका छन । इटहरीमा रहेका स्कुल तथा कलेजहरुले विद्यार्थी, अभिभावकलाई आकर्षित गरिरहेका छन् । यही क्रममा नयाँ व्यवस्थापनसहित सीपमूलक जीवनोपयोगी शिक्षामा जोड दिदै साइन्स, होटल मेनेजमेन्ट, कम्प्युटर साइन्स, कानुन, मेनेजमेन्ट, एजुकेशन लगायतका विषयहरु पठनपाठन गराउने बेबिलोन सगरमाथा कलेज विद्यार्थी तथा अभिभावकहरुको रोजाईमा पर्न थालेको छ ।

सीप सहितको शिक्षामा जोड दिदै आएको बेबिलोन सगरमाथा कलेजमा जुनसुकै विषय अध्ययन गर्ने विद्यार्थीको रोजाई अनुसार सीपमूलक अतिरिक्त कक्षा कम्तीमा एउटा सञ्चालन गर्ने गरिएको छ । यो पक्षले विद्यार्थी तथा अभिभावकहरुलाई आकर्षित गरेको कलेजका कार्यकारी प्रमुख मुक्ति दाहालले भनाइ छ । विद्यार्थीलाई पाठ्यक्रम पठाउने मात्र नभएर आफूहरुले अतिरिक्त कक्षाका रुपमा व्यावहारिक तथा जीवनोपयोगी सीपमूलक शिक्षालाई प्राथमिकतामा राखेको उनले बताए ।

यही कारण शिक्षाका साथै अन्य क्षेत्रमा पनि विद्यार्थीले दक्षता पाउने विश्वाससहित सीपमूलक शिक्षामा जोड दिंदै आएको कलेजले जनाएको छ । सीपमा आधारित पठनपाठन गराउने बेबिलोन सगरमाथा कलेजले विभिन्न संघ संस्थासँग सहकार्य गरेर विद्यार्थीलाई व्यावहारिक कक्षा सञ्चालनदेखि लिएर व्यावहारिक रुपमा काममा दक्षता प्रदान गर्नका लागि इन्टर्नको समेत व्यवस्था गरेको गरेको छ । बेबिलोन सगरमाथा कलेजले मल्टिमिडिया प्रयोग गरी पठनपाठन गर्ने गरेको छ । दक्ष तथा अनुभवी अध्यायपकहरुबाट प्रविधियुक्त कक्षा सञ्चालन गरिने भएकाले अभिभावक र विद्यार्थीको ध्यान कलेजले तानेको छ ।