इटहरी ः इटहरीमा इलेक्ट्रिक स्कुटर दुर्घटना हुँदा एक पुरुषको मृत्यु भएको छ ।
कोशी राजमार्गअन्तर्गत इटहरी उपमहानगरपालिका–१० साथी पेट्रोल पम्प नजिकै नम्बर नभएको अन टेस्ट रातो इलेक्ट्रिक स्कुटर डिभाइडरमा ठोक्किएर दुर्घटना भएको हो ।
हिजो (मङ्गलवार) राती अन्दाजी ८:१० बजे विराटनगरबाट इटहरीतर्फ आउँदै गरेको स्कुटर आफैँ अनियन्त्रित भएर दुर्घटना भएको प्रहरीले जनाएको छ ।
दुर्घटनामा परेर गम्भीर घाइते भएका पुरुषको विराट टिचिङ हस्पिटलमा उपचारको क्रममा मृत्यु भएको इलाका प्रहरी कार्यालय इटहरीले जनाएको छ । मृतक पुरुषको पहिचान खुलेको छैन।
दुर्घटनाको जानकारी पाएलगतै प्रहरी चौकी खनारबाट खटिएको प्रहरी टोलिले घटनाबारे अनुसन्धान गरिरहेको जनाएको छ ।
युनिकोड
मिति रूपान्तरण
प्रदेश खबर
_DEhQO4lE8f.png)
प्रतिक्रिया