कोसी पर्यटन वर्षलाई १० करोड बजेट विनियोजन

विराटनगर । कोसी पर्यटन वर्षका निम्ति फेरि १० करोड रुपैयाँ बजेट विनियोजन गरिएको छ । आइतबार कोसी प्रदेशसभामा आउँदो आर्थिक वर्षको बजेट पेस गर्दै आर्थिक मामिला तथा योजनामन्त्री रामबहादुर मगरले यसबारे जानकारी गराएका हुन् ।

उनले पर्यटन, वन तथा वातावरण क्षेत्रका निम्ति दुई अर्ब ९७ करोड ६६ लाख रुपैयाँ विनियोजन गरिएको बताए ।

कोसी सरकारले पर्यटन वर्ष मनाउन कार्यक्रम थालिसकेको छ । त्यसनिम्ति चालु आर्थिक वर्षमा पनि १० करोड बजेट विनियोजन गरिएको थियो । तर, कार्यक्रम प्रभावकारी रूपमा अघि बढाइएको छैन ।