इलामको फिक्कलमा निशुल्क वितरणका लागि कपडा बैंक

इलाम :  हुनेले दिने, नहुनेले लिने भन्ने नाराको साथ इलामको  सूर्योदय नगरपालिका १० फिक्कलमा कपडा बैंकको स्थापना गरिएको छ ।  सिनियर टीम फिक्कलको अगुवाइमा कपडा बैंक स्थापना गरिएको हो । 
राजन प्रधानको संयोजकत्वमा सो कपडा बैंक सञ्चालनमा  लयाइएको छ । जाडोयाममा लुगा नभएर चिसोमा बस्न बाध्य गरिव असाहय तथा आर्थिक अवस्था कम्जोर भएकाहरु न्यानो कपडाबाट बन्चित हुन नपरोस भनेर कपडा बैंक स्थापना गरिएको जनाइएको छ । राजन प्रधानको संयोजकत्वमा सो कपडा बैंक सञ्चालनम ल्याइएको कपडा बैंकबाट कपडा लैजाने मात्र नभएर हुनेहरुले ल्याएर राखि दिन पनि संयोजक प्रधानले आग्रह गरे । दाताहरुले कपडा डोनेसन गर्न पनि सक्ने सो अवसरमा जानकारी गराइयो ।  
कपडा बैँक स्थापना भएपछि गारिव, असाहय तथ कपडा नभएका नागरिकलाई  सहज हुने सूर्योदय नगरपालिका  उपप्रमुख दुर्गा बरालको  भनाई रहेको थियो ।  संयोजक प्रधानले कपडा बैँकलाई सबैको साथ सहयोग रहने विश्वास व्यक्त गर्दै दर्ता प्रक्रिया समेत अगाडी बढाउने  योजना रहेको बताए । 
पवित्र उद्देश्य बोकेर सुरु गरिएको कपडा बैंकबाट विपन्न समुदायलाई लाभ मिल्ने उद्घाटन कार्यक्रमका सहभागीहरुले जोड दिएका थिए ।