बुधवारदेखि काठमाडौँ–ताप्लेजुङ उडान सुरु हुने

ताप्लेजुङ / अढाई महिना बन्द रहेको ताप्लेजुङको सुकेटार विमानस्थलमा बुधवारदेखि सञ्चालनमा आउने भएको छ ।

नेपाल वायुसेवा निगमले ताप्लेजुङका लागि उडान तालिका राखेको हो ।

निगमका प्रवक्ता रमेश पौडेलका अनुसार मौसमले साथ दिए र यात्रु भए बुधवारदेखि उडान सुरु हुने जनाइएको छ ।

उडान गएको जेठ ११ गतेदेखि बन्द भएको थियो ।

निगमले काठमाडौँ–ताप्लेजुङ–काठमाडौँ उडान गर्दै आएको छ ।

जेठ ११ गते अन्तिम उडान गरेको निगमले त्यसपछि सातामा एक दिन तालिका राखे पनि उडान भने गरेको छैन ।

यसअघि सोमबार, बुधवार र शनिवार गरी साताको तीन उडान गर्दै आएको थियो । मौसममा सुधार आएसँगै उडान गर्न सकिने वातावरण भएपछि तालिका राखिएको निगमको दाबी छ ।

गत वर्ष पनि असारदेखि स्थगित भएको उडान भदौदेखि सुरु गरेको थियो ।

लेखकको बारेमा