विराटनगर । कोशी लोकमार्गअन्तर्गत धनकुटाको धनकुटा नगरपालिका–९ रुद्रबारीमा बुधबार दिउँसो ट्याक्टर दुर्घटनामा परेर सहचालकले ज्यान गुमाएका छन् ।
प्रहरीका अनुसार मुलघाटबाट धनकुटातर्फ जाँदै गरेको को २ त ७९३४ नम्बरको ट्याक्टरको पछाडिको टायर पन्चर भएर दुर्घटनामा परेको थियो । दिउँसो २ः४५ बजेतिर टायर पन्चर भएपछि ट्याक्याक्टर सडकमै अनियन्त्रित बनेको थियो ।
अनियन्त्रित बनेको ट्याक्टरबाट खसेर सहचालक साँगुरीगढी गाउँपालिका–७ का २० वर्षीय विवेक थापाको घटनास्थलमै मृत्यु भएको प्रहरीले जनाएको छ ।
दुर्घटनापछि ट्याक्टर चालक किसान राई फरार रहेकाले खोजी तीव्र पारिएको प्रहरीले जनाएको छ । ट्याक्टर घटनास्थलमै छ । प्रहरी टोली घटनास्थल पुगेको छ ।
कानुनी प्रक्रिया पूरा गरी शवलाई पोस्टमार्टमका लागि पठाइएको जानकारी प्रहरीले दिएको छ ।
प्रदेश खबर
_ZFO4cJ7Z99.png)
प्रतिक्रिया