बिर्तामोडमा सूचनाको हक सम्वन्धि कार्यक्रम

झापा । बिर्तामोड नगरपालिकाले सूचनाको हक सम्वन्धि एक दिने कार्यशालाको आयोजना गरेको छ । नगरपालिकाले नगरभित्र हने गरेका काम कारवाहीको वियामा सबैलाई जानकारी प्रदान गर्न सहज होस् भन्दै सबैनागरिकलाई सूसुचित गराउन सूचनाको हक सम्वन्धि कार्यक्रम सम्पन्न गरेको हो । कार्यक्रममा राष्ट्रिय सूचना आयोगकी आयुक्त कमला ओली थापाले सूचनाको हक प्रयोग र त्यसको फाइदाका विषयमा जानकारी गराएकी हुन् । कार्यक्रमका सहभागीहरुले सहज रुपमा अझैंपनि सूचना पाउन नसक्ने अवस्था रहेको बताएका थिए । जिल्ला स्थित सरकारी कार्यालयहरुमा सूचना अधिकृत भएपनि उनीहरुले नागरिकलाई चाएिको सूचना उपलब्ध गराउन नसक्ने गुनासो गरेका थिए । त्यस्तै उनीहरुले सूचना अधिकृत भएपनि तोकिएका सूचना अधिकृतले मात्र सबै सूचना उपलव्ध गराउन नसकेकाले भएकाले छुट्टै कर्मचारीको व्यवस्थापन गर्नु पर्ने बताए । बिर्तामोड नगरपालिका प्रमुख पवित्रा देवी महतरा प्रसाईको अध्इक्षतामा भएको कार्यक्रममा नगरका उपप्रमुख नगेन्द्र प्रसाद संग्रौलाले स्वागत गरेका थिए । कार्यक्रमको सञ्चालन नगरपालिकाका योजना अधिकृत जय तिम्सिनाले गरेका थिए ।