निशा राई
धरान/ धरान उपमहानगरपालिकामा पहिलोपटक कन्याहरूको पूजा भएको छ । धुलिखेल समाज धरानले मंगलबार आयोजना गरेको कन्या पूजामा करिब ५० जना कन्याहरू पुजिएको धुलिखेल समाज धरानका अध्यक्ष सुनील श्रेष्ठले जानकारी दिए । उनले कन्याहरूको पूजा गर्दा पुन्य हने साथै सुख, शान्ति, समृद्धि र निरोगी हुने जनविश्वासका साथ पूजा गरिएको बताए ।
कन्या पूजामा एक वर्षदेखि १० वर्ष उमेरसमूहका बालिकाहरू रहेका थिए । कन्या पूजामा दान केही नखाई वर्त बसेर पूजा गर्ने दानमा उनीहरूलाई खानेकुरा कापी, कलम विभिन्न शैक्षिक सामाग्री प्रदान गरिएको रमेश प्रधानले बताए ।
एउटा देवीको ९ वटा रुप हने भएकोले १ वर्षदेखि १० वर्षका बालिकाहरू शुद्ध हुने बताउँदै देवीको रूपमा मान्दा सम्पूर्ण मनोकामना पूरा हुने जनविश्वाससाथ पूजा गर्ने प्रचलन रहेको उनको भनाइ छ । विशेषगरी नेवार समुदायका कन्याहरू पुजिने प्रचलन रहेपनि अन्य समुदायको कन्यासमेत पुजिएको धुलिखेल समाजले जनाएको छ ।
Discussion about this post