चिकित्सक र स्वास्थ्यकर्मीहरुलाई हेल्थ अवार्ड

काठमाडौं । स्वास्थ्य दर्पण राष्ट्रिय हेल्थ अवार्ड २०८० बाट सातै प्रदेशका चिकित्सक, स्वास्थ्यकर्मी र पत्रकार सहित २२ जना सम्मानित भएका छन् ।

स्वास्थ्य क्षेत्रमा पुर्याएको योगदानको कदर गर्दै उनीहरुलाई सम्मानित गरिएको हो ।

सम्मानित हुनेहरुमा कोशी प्रदेशबाट वरिष्ठ मुटुरोग विशेषज्ञ प्राडा. राजेश नेपाल, मधेश प्रदेशबाट मुटु शल्य चिकित्सक डा. महमद अफ्रोज अन्सारी र फिजिसियन डा. रामप्रताप शाह छन् ।

त्यस्तै बागमती प्रदेशबाट अर्थोपेडिक सर्जन प्राडा. सुरेश पाण्डे, क्यान्सर रोग विशेषज्ञ डा. विश्वराम पौडेल, वरिष्ठ मुटु रोग विशेषज्ञ डा. ओममूर्ति अनिल, वरिष्ठ मिर्गौला रोग विशेषज्ञ प्राडा. दिव्या सिंह शाह, काठमाडौंको प्रतिष्ठित हस्पिटल इसान बाल हस्पिटलका बाल शल्य चिकित्सक विशेषज्ञ प्राडा. रामनन्दनप्रसाद चौधरी र रेडियोलोजिस्ट डा. आनन्दप्रसाद श्रेष्ठ सम्मानित भएका छन् ।

यस्तैगरी गण्डकी प्रदेशबाट फिजिसियन डा. सरोज पोखरेल, वरिष्ठ स्त्री, प्रसूति तथा निःसन्तानपन रोग विशेषज्ञ प्राडा. गिरधारी शर्मा पंगेनी, जनरल तथा ल्याप्रोस्कोपिक सर्जन डा. आनन्द भट्टराई उक्त अवार्डबाट सम्मानित भएका छन् ।

लुम्बिनी प्रदेशबाट वरिष्ठ मुटु रोग विशेषज्ञ डा. सचिन ढुंगेल, कर्णाली प्रदेशबाट जनरल तथा इमरजेन्सी मेडिसिन विशेषज्ञ डा. डम्बर खड्का र सुदूरपश्चिम प्रदेशबाट वरिष्ठ फिजिसियन तथा दमरोग विशेषज्ञ प्राडा. सुभेसराज कायस्थ सम्मानित भएका छन् ।

सातै प्रदेशबाट तीनजना स्वास्थ्यकर्मीहरुलाई पनि अवार्ड प्रदान गरिएको छ। राजेन्द्रप्रसाद खरेल, सन्तोष केसी र शंकर खराललाई उक्त अवार्ड प्रदान गरिएको हो ।

यस्तै, पत्रकारहरु बुद्धिबहादुर केसी, अनिता श्रेष्ठ, कमला गुरुङ्ग र सुमन खत्रीलाई अवार्डबाट सम्मानित गरिएको छ।

यस्तै, स्वास्थ्य दर्पण मिडिया नेटवर्कका संरक्षक एवं वरिष्ठ मृगौला रोग विशेषज्ञ डा. ऋषिकुमार काफ्ले, नेपाल चिकित्सक संघका अध्यक्ष डा. अनिलविक्रम कार्की, वरिष्ठ चिकित्सक प्राडा. दिव्यासिंह शाह, स्वास्थ्य दर्पण मिडिया नेटवर्कका अध्यक्ष सन्दीपकुमार श्रेष्ठ लगायतले चिकित्सा सेवालाई दुर्गम क्षेत्रसम्म प्रभावकारी ढंगले पुर्याउन सरकारले विशेष किसिमको योजना र कार्यक्रमका साथ आकर्षक प्याकेजहरू ल्याउनु जरुरी रहेको बताए ।