बराहक्षेत्र : सुनसरीको बराहक्षेत्र नगरपालिका वडा नं. १ चतरामा आयोजना भएको नेपाली कांग्रेसको ‘कचनकवल–सगरमाथा जागरण अभियान’मा धार्मिक पर्यटनको सम्भवना र चुनौती विषयक अन्तरक्तिया कार्यक्रम आयोजना भएको छ ।
कार्यक्रममा नेपाली कांग्रेस कोशी प्रदेश कार्यसमितिका कार्यालय सचिव तथा प्रदेश योजना आयोगका सदस्य नारायण कोइरालाले सुनसरी जिल्लामा रहेका धार्मिक पर्यकीय क्षेत्रको चर्चा गरेका थिए ।
उनले बराहक्षेत्र मन्दिर, चतराधाम, सूर्यकुण्ड, औलिया मठ, रामधुनी, विजयपुर क्षेत्र लगायत धार्मिक पर्यकीय क्षेत्रको धार्मिक पक्ष तथा मान्यताको चर्चा गरेका थिए ।
कार्यक्रममा धार्मिक पर्यटनको सम्भवना र चुनौतीको विषयमा पर्यटन व्यवसायी वासुदेव बरालले व्यख्या गरेका थिए । उनले कोशी प्रदेशमा आउने पर्यटक र पर्यटकीय क्षेत्रको विषयमा कार्यपत्र प्रस्तुतसमेत गरे ।
नेपाली कांग्रेस कोशी प्रदेश कार्यसमितिले सुरू गरेको ‘कचनकवल–सगरमाथा जागरण अभियान’ अन्तर्गत सुनसरीको बराहक्षेत्र नगरपालिका वडा नं. १ चतरा स्थित ऐतिहासिक तथा पौराणिक महत्व बोकेको औलिया मठमा सोमबार कार्यक्रमको आयोजना गरिएको हो ।
कांग्रेस कोशी प्रदेश सभापति एवम् पूर्व मुख्यमन्त्री उद्बव थापाको सभाध्यक्षतामा आयोजना भएको कार्यक्रममा नेपाली कांग्रेस बराहक्षेत्रका कार्यवाहक सभापति युवराज श्रेष्ठले स्वागत मंतव्य राखेका थिए ।
नेपालकै होचो भूभाग झापाको कचनकवलबाट सुरू भएको अभियान विश्वकै अगलो भूभाग सोलखुम्बुको सगरमाथाको आधार शिविरमा सम्पन्न हुने कांग्रेस कोशीका महामन्त्री उमेश थापाले जानकारी दिए ।
कार्यक्रममा नेपाली कांग्रेसका पूर्व उपसभापति तथा पूर्व उपप्रधान एवम् गृहमन्त्री विजय कुमार गच्छदार, कांग्रेस केन्दीय सदस्य मीनकुमार विश्वकर्मा, राजीव कोइराला कांग्रेस कोशीका महामन्त्री तथा भौतिक पूर्वाधार मन्त्री भूपेन्द्र राई, पर्यटन, वन तथा वातावरणमन्त्री सदानन्द मण्डल, कांग्रेस सुनसरी सभापति केदार भण्डारीलगायतको उपस्थिति थियो ।
Discussion about this post