इटहरी । इटहरीबाट लागुऔषध खैरो हेरोइन सहित ४ जना पक्राउ परेका छन् । खैरो हेरोइन खरिद विक्री गरेको गोप्य सूचनाको आधारमा प्रहरीले इटहरी ६ बाट जेठ १५ गते मङ्गलवार ४ जनालाई पक्राउ गरेको हो ।
सुनसरीको भोक्राह नरसिंह गाउँपालिकाका वडा नं ६ का जनक कुमार शाह समेतले लागू औषध खैरो हेरोइनको खरिद विक्री गर्ने गरेको गोप्य सूचनाको आधारमा इलाका प्रहरी कार्यालय इटहरीबाट खटिएको अनुसन्धान टोलीले पक्राउ गरेको हो ।
मङ्गलवार बेलुका ८ बजे जनक कुमार शाहको कोठामा खान तलासी गर्दा सोही कोठामा रमेश कुमार श्रेष्ठ , राजकुमार खात्वे र जीवानन्द मेहेता रहेको र कोठामा रहेका मध्ये राजकुमार खात्वले गोजीमा बोकेको joy HONEY & ALMONDS लेखिएको क्रिमको पहेलो बट्टामा सेतो प्लास्टिकमा पोको पारेर राखिएको १७ ग्राम २०० मिली ग्राम खैरो हेरोइन सहित पक्राउ परेका हुन् ।
उनीहरूको साथबाट सोही कोठाको खाटमुनी राखिएको डिजिटल पकेट तराजु ,पाचँ थान मोबाइल समेत बरामद गरिएको इटहरी प्रहरीले जानकारी दिएको छ ।
पक्राउ परेका ४ जनालाई सुनसरी जिल्ला अदालतबाट लागुऔषध मुद्दामा ६ दिन म्याद थप गरी अनुसन्धान सुरु गरिएको इलाका प्रहरी कार्यलय इटहरीले जानकारी दिएको छ ।
Discussion about this post