धरान । धरान उपमहानगरपालिकाका प्रमुख हर्कराज राईले आफ्नो अख्तियारी नाघेर वडाध्यक्षलाई स्पष्टिकरण सोधेका छन् ।
बुधबार बसेको कार्यपालिका बैठकमा ‘क्षेत्राधिकार नाघेर नगर प्रमुखका स्वकीय सचिवले पत्र पठाएको’ भन्दै कारबाही गर्न वा माफी माग्न मेयर साम्पाङलाई आग्रह गरेका थिए । उनीहरुले मेयरको स्वकीयले नगर कार्यपालिकाको लेटरप्याड दुरुपयोग गरेको र निवार्चित वडाअध्यक्षहरुलाई क्षेत्राधिकार नाघेर पत्र पठाएको भन्दै त्यस बिषयमा नगर प्रमुखको जवाफ मागेको थिए । जवाफमा नगर प्रमुख राईले आफुले नै स्वकीयलाई उक्त चिठि लेख्न निर्देशन दिएको स्वीकार गरेका थिए ।
त्यसपछि १० नं. वडाका वडाध्यक्ष विवेक राई, १५ नं. वडाका वडाध्यक्ष नरेश इवारम, १७ नं. वडाका वडाध्यक्ष मनोज भट्टराई लगायतले स्वकीय सचिवलाई कारवाही गर्नुपर्ने वा नगर प्रमुखले माफी माग्नुपर्ने मत व्यक्त गरेपछि नगर प्रमुख राईले बैठक स्थगित गरेका थिए ।
धरान उपमहानगरपालिकाका नगर प्रमुख हर्कराज राईले आफ्नो अख्तियारी नाघेर वडाध्यक्षलाई स्पष्टिकरण सोधेका छन् । १० नं. वडाका वडाध्यक्ष विवेक राईलाई ‘कार्यपालिका बैठक भाड्ने गरी अत्यन्तै अराजक र अमर्यादिन कार्यशैलीमा कराएको’ भन्दै वडाध्यक्षलाई स्पष्टिकरण सोधेका हुन् । पत्रमा चित्तबुझ्दो जवाफ नआए ‘कार्यपालिका बैठक भाडेको कसुरमा’ कानुन अनुसार सजाय हुने समेत उल्लेख गरिएको छ । धरान उपमहानगरपालिकाको बैठक सञ्चालन कार्यविधि २०७४ मा स्पष्टिकरण सोध्ने सम्बन्धी कुनै व्यवस्था छैन । स्पष्टिकरण सोधेको बिषयमा १५ नं. वडाका वडाध्यक्ष तथा नेकपा एमाले संसदिय दलका नेता नरेश इवारमले नगर प्रमुखले कानुनको अध्ययन गरेको टिप्पणी गरेका छन् । पदिय हैसियत भन्दा बाहिर गएर पदलाई दिइएको अख्तियारीको दुरुपयोग गर्दै नगर प्रमुखले स्पष्टिकरण सोधेको वडाध्यक्ष इवारमले बताए ।
१० नं. वडाका वडाध्यक्ष विवेक राईले भने कार्यपालिका बैठकमा आफुले मत व्यक्त गर्ने अधिकार रहेको र एजेण्डाका आधारमा समर्थन र विरोध गर्ने आफ्नो अधिकार रहेको बताए । उनले भने ‘कार्यपालिका बैठकमा धरानको सरोकारका विषयमा बोल्ने मेरो कर्तव्य हो, मेरो बोल्न पाउने अधिकारलाई कुण्ठित गर्न मिल्दैन ।’ नगर प्रमुखका स्वकीय सचिव भन्दै सुदर्शन लिम्बूले वडाध्यक्षहरुलाई हालसम्म सञ्चालन भएका योजनाहरुको विवरण पठाउन चिठि लेखेका थिए । लिम्बू नगर प्रमुखका स्वकीय सचिव समेत नभएको खुलेको छ । उनले धरान उपमहानगरपालिकामा चौथो तहको सहयोगीको नियुक्ति लिएको बुझिएको छ ।
Discussion about this post