विराटनगर । विराटनगरबाट अलगअलग समयमा लागूऔषध खैरो हेरोइन (ब्राउन सुगर)सहित चार जना पक्राउ परेका छन् ।
कोशी प्रदेश प्रहरी कार्यालय विराटनगरबाट खटिएको टोलीले विराटनगर महानगरपालिका–१५ स्थित १ नम्बर ढाटबाट मोरङको सुन्दरहरैँचा नगरपालिका–४ का २१ वर्षीय मदन चौधरी र भोजपुरको अरुण गाउँपालिका–१ का २० वर्षीय विनोद शिवालाई पक्राउ गरेको छ ।
भारतको जोगवनीबाट खैरो हेरोइन लागूऔषध खरिद गरेर फर्कदै गरेका चौधरी र शिवालाई बुधबार साँझ ५ः३० बजेतिर पक्राउ गरिएको प्रहरीले जनाएको छ ।
प्रहरीले नियन्त्रणमा लिएर शरीर खानतलासी गर्दा उनीहरुको साथबाट ४१.३३ ग्राम खैरो हेरोइन बरामद भएको थियो । पक्राउ परेका दुवै जनालाई इलाका प्रहरी कार्यालय रानीको हिरासतमा राखिएको छ ।
प्रहरीले १ नम्बर ढाटबाटै सुनसरीको दुहवी नगरपालिका–४ का २० वर्षीय पारश चौधरी र झापाको गौरादह नगरपालिका–२ का ३५ वर्षीय सञ्जीव खड्कालाई पक्राउ गरेको छ । जोगवनीबाट पैदल नै नेपालतर्फ आउँदै गरेका चौधरी र खड्कालाई प्रहरीले बुधबार दिउँसो २ बजेतिर पक्राउ गरेको हो ।
उनीहरुको साथबाट २.५३ ग्राम खैरो हेरोइन बरामद भएको थियो । चौधरी र खड्कालाई इलाका प्रहरी कार्यालय रानीको हिरासतमा राखिएको छ ।
खैरो हेरोइनसहित पक्राउ परेकाविरुद्ध लागूऔषध ऐनअन्तर्गतको मुद्दा चलाउने प्रहरीको तयारी छ । यस सम्बन्धमा इलाका प्रहरी कार्यालय रानीका इन्सपेक्टर प्रकाश थापा नेतृत्वको टोलीले थप अनुसन्धान गरिरहेको छ
Discussion about this post