पाँचथर : पाँचथर बहुमुखी क्याम्पसमा आयोजित अन्तर क्याम्पस कविता प्रतियोगितामा थर्पु क्याम्पसकी मञ्जुल योङहाङ प्रथम भएकी छन् ।
१८ जना प्रतिस्पर्धी रहेको प्रतियोगितामा प्रथम भएकी मञ्जुलले नगद १० हजार पुरस्कार र प्रमाण पत्र प्राप्त गरिन् ।
प्रतियोगितामा पाँचथर क्याम्पसका बुद्वराज लिम्बू दोस्रो, यासोक क्याम्पसकी हिमादेबी भण्डारी तेस्रो र रवि क्याम्पसकी रसु विश्वकर्माले शान्तवना स्थान प्राप्त गरे ।
दोस्रो, तेस्रो र शान्तवना भएका उनीहरूले क्रमशः सात हजार, पाँच हजार, तीन हजारसहित प्रमाण पत्र प्राप्त गरे ।
पाँचथर बहुमुखी क्याम्पस स्वतन्त्र विद्यार्थी युनियनले आयोजना गरेको प्रतियोगितासँगै काव्य गोष्ठी र सांस्कृतिक कार्यक्रम पनि सम्पन्न गरिएको थियो । गोष्ठीमा कवि चिरन कोइराला र कवियत्री विमला अधिकारीले कविता सुनाएका थिए ।
स्ववियु सभापति मुना नेपालीको अध्यक्षतामा सम्पन्न कार्यक्रममा पूर्व मन्त्री श्रीप्रसाद जवेगू लगायतले आ–आफ्ना रचना प्रस्तुत गरे । पाँचथरमा चारवटा क्याम्पस सञ्चालनमा छन् ।
सबै क्याम्पसबीच सद्भाव र भातृत्व कायम गर्ने उदेश्यले साहित्यिक र सांस्कृतिक कार्यक्रम आयोजना गरिएको स्ववियु अध्यक्ष नेपालीले बताइन् ।
Discussion about this post